太子深水埗呢頭越開越多文青cafe，每一間都有各自各嘅特色。今次黎咗呢間靠近太子站新開嘅cafe嚐新，cafe以簡約嘅木系裝潢為主調，配搭植物裝飾，令客人好似置身喺城市中嘅綠洲咁，悠閒寫意。晚市時段有set menu供應，除咗main course，仲包咗餐湯(粟米湯)/沙律同飲品。紅酒汁燴牛胸腹肉意大利飯 $112意大利飯整得唔錯，吸收哂個湯汁嘅精華同時唔會煮到d飯太軟身。牛胸腹肉肉質腍嫩，牛味濃郁。露絲瑪莉香草燒羊架 $198另外叫咗燒羊架，羊架面頭燒到焦香脆身，入面粉嫩，肉味香濃，仲好香香草味。水牛城雞翼 (4隻) +$38水牛城雞翼個醬汁辣辣哋非常之惹味，雞翼亦都夠juicy。 朱古力心太軟伴雪糕 +$28套餐可以加$28食埋甜品，而且仲係心太軟、焦糖燉蛋呢d高質甜品。叫咗份心太軟，香濃嘅朱古力蛋糕入面充滿幼滑流心嘅朱古力醬，一切開就流晒出黎，加埋雪糕一齊食，冰火交融。抹茶紅豆卷蛋 +$28除咗例牌嘅幾款甜品，餐廳仲會提供唔同款式嘅是日蛋糕，今日就有抹茶紅豆/伯爵茶卷蛋。我哋就叫咗件抹茶紅豆卷蛋，香濃抹茶味、綿密卷蛋、煙韌麻薯、香甜紅豆加上柔滑忌廉，大滿足。 蜜桃乳酪&熱情果菠蘿乳酪 +$21@餐飲可以用半價轉飲menu其他特飲，我哋就揀咗兩款水果味乳酪。兩款乳酪都飲得出好足料，果味香濃，蜜桃味清甜可口，熱情果菠蘿味就酸酸甜甜好開胃。 。。Owens (太子)太子砵蘭街412號地舖。。
