手工啤近年越黎越多人飲，今次黎到中環呢間新開嘅手工啤專門店，暫時已經有13款唔同產地同口味嘅手工啤供，店長話遲d仲會有更加多款式添。摸杯底當然都要食吓嘢，餐廳除咗手工啤亦都主打西班牙菜，等客人可以邊飲邊食吓富有西班牙特色嘅tapas。#9 Yum Yum Yuzu Larger $68叫咗杯黎自紐西蘭，比較易入口嘅手工啤，酒精濃度4.7%，特色係有淡淡嘅柚子清香，配合埋香濃嘅啤酒味，飲落非常清爽。 西班牙流心蛋火腿片配薯絲 $88底層係炸到香口脆身幼幼嘅薯絲，加上流心蛋同風乾火腿片，入口係估唔到咁惹味，而且仲非常有口感。 紅酒煮西班牙辣肉腸 $88呢味辣肉腸非常特別，用咗紅酒黎煮，有少少紅酒香，再加上蜜味、辣味、煙燻味同鹹香，用黎佐酒真係一流。 西班牙海鮮燴飯 $268主食揀咗西班牙海鮮飯，面頭鋪咗大量海鮮，好似蝦、青口、大蜆咁，海鮮全部都好新鮮，味道鮮甜。燴飯吸收哂海鮮湯嘅精華，仲可以撈埋埋蒜蓉蛋黃醬一齊食，更加有風味。 。。Blaze Craft (中環)中環荷李活道26-28號永寧大廈地舖。。
