天后一帶靜中帶旺，亦都有唔少好嘢食，收工約朋友敘舊，居酒屋就係一個唔錯嘅選擇，可以叫d壽司、燒物、小食等等邊食邊傾，於是就揀咗呢間黑木亭。黑松露大拖羅蓉卷 $168卷物方面叫咗呢款黑松露大拖羅蓉卷，壽司卷上面鋪咗幼滑嘅大拖羅蓉同黑松露醬，拖羅嘅魚香同油脂配搭濃厚嘅松露香，味道非常有層次。 黎得居酒屋當然要叫d燒物/串燒，我哋就叫咗呢幾款：海膽燒飯團 $88飯團外邊燒到香脆，入邊軟熟，面頭鋪咗大大片嘅海膽，一啖咬落去幼滑creamy嘅海膽連埋飯團同紫菜一齊食，味道鮮甜回甘。 汁燒帆立貝 ($58)帆立貝非常大隻，肉質水嫩多汁，食落非常鮮味。 鹽燒原條黑豚露筍卷 $38燒到少少焦脆嘅黑豚肉卷住爽脆嘅露荀，入口非常有口感。鹽燒牛肉三色椒 $38而呢一款牛肉三色椒則係用牛肉卷住香甜嘅三色椒黎燒，味道鮮甜。 原味免冶雞肉棒 $58免治雞肉棒啖啖肉，點埋月見蛋汁一齊食，香濃惹味。 沖繩黑糖燒菠蘿 $38菠蘿juicy多汁，本身已經非常鮮甜，再加埋沖繩黑糖獨特嘅香味就更加香甜。玉子燒 $32玉子口感嫩滑綿密，蛋香中帶少少甘甜味。日本產牛油甘薯 $38甘薯烤到好香，食落帶淡淡牛油香，口感粉嫩冇渣。 豚肉年糕(韓式辣醬) $48估唔到係日式居酒屋都可以食到韓式辣醬年糕。年糕煙靭軟糯，外邊烘到脆脆哋，加埋個辣醬夠哂惹味。黎得居酒屋當然要飲返杯嘢，不過呢到除咗酒外，都有無酒精飲品，我哋就叫咗杯北海道士多啤梨牛乳乳酸($48)同蜜桃烏龍熊茶($58)。乳酸士多啤梨味好香，但相對比較甜。烏龍茶就有隻熊仔造型嘅冰喺面，非常得意。 。。黑木亭居酒屋 (清風街) (天后)天后清風街10號清風大廈地舖。。
