之前自己一個人都嚟過呢間燒肉LIKE食一人前燒肉，覺得都幾方便同抵食，今次見銅鑼灣店出咗全新嘅和牛menu，當然要以約埋班friend出嚟邊燒肉邊吹水。鹿兒島A4和牛西冷牛扒 (200g)朋友一致贊同呢款銅鑼灣分店限定嘅和牛西冷最好食，厚厚嘅牛扒入口啖啖肉非常有滿足感，肉質腍嫩易咬開，肉味香濃。 宮崎牛肩胛肉 (100g)宮崎牛作為日本頂級和牛之一，呢款牛肩胛肉口感緊緻順滑，牛味濃郁。 宮崎牛上級肩肉套餐 (100g) $248而呢款宮崎牛上級肩肉，紅肉同脂肪比例均勻，油香同肉香並存，肉質就更加腍身。套餐除咗肉之外仲會有埋白飯、和風湯、泡菜或者沙律，夠晒豐富。 牛小排&牛板腱套餐(200g) $145除咗和牛，我哋都叫咗其他牛肉套餐，好似呢款有牛小排同牛板腱嘅套餐。牛小排相對會油脂多啲嫩口啲 ，而牛板腱就偏實淨同肉味重。牛舌&牛板腱&橫膈膜肉套餐 (200g) $160至於呢款套餐更加可以一次過食到3款牛肉，性價比高。牛舌薄切，但都爽口。而橫膈膜肉喺燒肉店都比較少見，厚厚一塊，帶有獨特牛香。 Asahi Super Dry 生啤酒杯罐 $35嚟得食燒肉當然要飲番杯冰凍啤酒，呢到竟然有呢款Asahi Super Dry 生啤酒杯罐，佢罐內嘅特殊設計同埋全開口設計可以製造比一般啤酒罐更加多嘅綿密泡泡，入口就更加爽喇。 順帶一提如果嚟銅鑼灣分店嗌 鹿兒島A4和牛西冷牛扒就可以自己帶酒嚟飲兼免開瓶費。咁啱朋友帶咗枝米酒黎，咁當然要開埋嚟飲喇，店員仲好細心拎咗幾個酒杯俾我哋添。總括嚟講性價比唔錯，個烤爐火力都夠，啲肉好快就熟。而且用咗無煙烤爐食完唔會成身油煙味，抵讚。。。燒肉LIKE (羅素街) (銅鑼灣)銅鑼灣羅素街8號英皇鐘錶珠寶中心2樓B號舖@yakinikulikehk。。#燒肉LIKE香港 #燒肉LIKE銅鑼灣 #銅鑼灣美食 #YAKINIKULIKE #一人燒肉 #日式燒肉 #宮崎和牛 #稀有部位 #鹿兒島和牛西冷牛扒 #AsahiSuperDry
