朋友介紹隱藏喺奧運富榮花園入面有間地道串燒小店，客人好多都喺住附近嘅熟客仔。呢到嘅串燒款式都幾多，除咗串燒仲有飯食。 極尚鹽燒牛舌 $38牛舌厚切，口感爽彈，牛味濃郁。汁燒脆邊五花腩 $18五花腩燒完之後逼出大部分油脂，令個邊變得脆身，食落幾香口。鹽燒鹿兒島一口豚 $32一口size嘅豚肉，入口juicy，肉質腍嫩冇渣。 新疆烤羊肉串 $28羊肉幾腍身，而且一d都唔羶，仲帶d香料味。山葵章魚串 $28彈牙嘅章魚粒非常有咬口，加埋攻鼻嘅wasabi，想醒神一定要挑戰吓。蜜糖燒台灣花枝丸 $18丸類方面就叫咗花枝丸，食落夠彈牙，有淡淡蜜糖香。食串燒除咗肉類，蔬菜類一樣係必叫之選，除咗可以解吓油膩，燒過嘅蔬菜份外多汁鮮甜，我哋就叫咗以下幾款：川燒翠玉瓜 $16燒五香豆卜 $12麻香蒜芯苗 $14蒜蓉牛油焗金菇 $32話梅/肉桂燒菠蘿 $18重點推介燒菠蘿，除咗咬落去鮮甜爆汁之外，仲有話梅同肉桂味可以揀，我哋唔執輸當然叫哂兩款。 百香果茶 $25飲品方面叫咗杯百香果茶，唔會話太甜，百香果味都幾出，重點係好大杯，兩個人都夠飲。。。一起 (大角咀)大角咀海庭道8號富榮花園8座地下8號舖。。
