海港城一向多嘢食，呢間之前bookmark落嘅東南亞餐廳，一直人頭湧湧，今日見早收工就約埋朋友黎呢到晚餐。餐廳裝潢非常少女心，以淺粉紅色為主調，設有好多打卡位同花花裝飾，仲可以望到維港景緻。見套餐做緊優惠好似唔錯，2人套餐$453，包咗湯、小食、意粉、咖喱、印度薄餅同甜品，望落都幾豐富就叫咗。 鮮茄冬陰忌廉湯先上嘅係湯，傳統冬陰功同鮮茄忌廉湯mix & match，既有冬陰功嘅辣勁，又有忌廉湯嘅幼滑口感，加埋酸酸哋嘅蕃茄，非常開胃。 斑蘭香葉包雞(6件)用咗斑蘭葉包住雞肉黎燒，嫩滑嘅雞肉啖啖肉，食落帶淡淡嘅斑蘭香味，仲可以點燒汁黎食。 冬陰煙肉忌廉意粉雖然話係用冬陰黎做，但個意粉香得黎唔會話好辣，意粉煮得彈牙，個creamy煙肉忌廉加埋蛋黃漿夠哂香濃，唔錯。 馬莎文咖喱牛𦟌至於呢道馬莎文咖喱，牛𦟌腍身，咖喱味香濃，用黎點個印度薄餅就岩哂。 Lady Nara 手工蛋糕配雲呢拿雪糕甜品係朱古力蛋糕，除咗香濃朱古力味，仲有香甜嘅榛子夾心，蛋糕中間夾層仲有d脆脆喺到，增加咗口感層次，仲可以夾埋個奶滑雪糕一齊食添。 。。Lady Nara (尖沙咀)尖沙咀廣東道3-27號海港城港威商場3樓3303號舖。。
