食得多連鎖燒肉店，間唔中都想去吓d高級燒肉店。今次就黎咗尖沙咀呢間高級日式燒肉店食和牛廚師發辦，一次過可以食到幾款唔同和牛部位。餐廳亦都有專人燒肉服務，不過我哋就揀咗自己燒。先上嘅係3款前菜，分別係豆味香濃嫩滑嘅京都豆腐、鹹香香脆嘅合桃小女子(即係小魚乾)同惹味爽脆嘅蒜頭漬。食完前菜，店員就拎咗3款燒野菜俾我哋，有香菇、南瓜同虎皮尖椒。蔬菜可以放喺爐邊慢慢燒，等d水份唔會流失哂。黎到主打嘅和牛有4款，分別係和牛西冷、和牛牛肋肉、和牛牛肋條同特上下腹肉。雖然份量唔多，但牛質素的確唔錯，油脂分布平均。3款和牛油香好重，下腹肉肉味較濃。食完燒肉，仲有牛骨湯、和牛肉碎拌素麵同豆腐雪糕做甜品。。。三郎。燒肉 (尖沙咀)尖沙咀中間道15號H Zentre地下3號舖 。。
