呢間餐廳，有齊港式嘢食同西餐，可以一次過滿足哂兩個願望，就算兩個人想食唔同嘢都可以一齊去。我哋午市時間去，除咗茶記例牌常餐，仲有豬扒飯、叉燒蛋飯呢類嘢食，亦都有意粉、班尼迪蛋、沙律呢d西餐。招牌沙嗲牛肉公仔麵配嫩滑炒蛋牛油丹麥多士 $54我就叫咗個沙嗲牛麵常餐，公仔麵軟硬適中，沙嗲味夠香夠濃，炒蛋嫩滑，蛋香味夠，個多士烘得好香脆。南瓜忌廉蘆筍海蝦意大利粉 $98朋友叫咗個海蝦意粉，整得都唔錯，拍得住好多西餐廳。海蝦大隻爽彈，意粉彈牙，個南瓜忌廉汁好幼滑香濃。意式羅勒蕃茄醬炒蜆 $78另外叫咗碟意式炒蜆share，雖然蜆唔算大隻，但份量都唔少，蕃茄味重，味道唔錯，食落都冇砂。芝士忌廉蟹肉大啡菇伴香滑忌廉薯蓉 $78至於大啡菇非常大隻，面頭仲鋪咗大量芝士同蟹肉去焗，大啡菇多汁，蟹肉鮮甜，夠晒滋味，底到仲有幼滑薯蓉，非常抵食。朋友加錢要咗杯黑加倫子檸檬梳打，味道有啲似有汽檸檬利賓納，酸酸甜甜。我就叫咗杯奶茶，有茶記水準，茶香奶滑。。。四寶食堂 (銅鑼灣)銅鑼灣謝斐道482號兆安廣場地下1-3號舖。。
