諗落都有一排冇食過泰國菜，今次黎開銅鑼灣，就揀咗呢間地鐵站附近都幾就腳嘅泰菜。晚市二人套餐 $468見佢個二人套餐包咗湯、沙律、小食、主菜、炒菜、飯同飲品，好似都幾豐富同抵食。明爐椰汁雞湯雞湯用明爐㷫住，唔會飲飲吓就凍哂。個湯嘅椰汁味非常之香濃，雞肉亦都夠嫩，成個湯飲落好滑。青木瓜沙律青木瓜絲夠爽脆，加埋個酸辣醬汁，fresh得黎又醒胃。泰式沙嗲4串可以喺牛、豬、雞入面揀兩款，得哋揀咗牛同豬，味道ok唔會話燒得好乾。重點係個沙嗲醬，花生味超香濃。原條青檸明爐烏頭魚 +$38加錢叫咗條明爐烏頭魚，size兩個人食就岩岩好。個青檸湯底整得唔錯，酸酸哋更加開胃，烏頭魚肉嫩滑鮮甜。泰式炒雜菜味道有d似素菜版回鍋肉，炒得惹味香口，夠鑊氣。泰式鮮蝦炒金邊粉 +$28唔想食白飯咁寡，轉咗做炒金邊粉，金邊粉炒得乾身，鮮蝦爽彈。脆炸芝心蝦丸 $98另外仲加咗份芝心蝦丸，香脆外皮包住彈牙蝦肉仲有流心芝士醬，滋味十足。。。泰 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓。。
