近排多咗去半山區發掘d高質嘢食，呢間令酒場就係其中一間性價比唔錯嘅餐廳。我哋喺午市時段光顧，餐廳有提供多款嘅午市套餐，由刺身、丼飯、燒物定食、壽喜燒到串燒都有。時令刺身五點盛 $268五款刺身分別係海膽、帶子、金目鯛、深海池魚同油甘魚，款款都非常新鮮肥美，絕對唔係行貨。海膽味道甘甜，一d都唔腥；帶子爽嫩鮮甜到不得了；金目鯛輕輕燒過外皮，賣相吸睛；池魚肉質爽彈有咬口；油甘魚油脂豐富香濃。定食除咗有五款刺身，仲包前菜、沙律、湯品同汽水。今日嘅前菜係涼拌蟹肉海草，鮮味十足。 令海之幸太卷 $128除咗定食，呢到嘅單點菜式都非常有特色。其中呢款廚師推介嘅卷物，壽司飯加入咗特制醬汁，就算唔點豉油都好好食，入面卷住吞拿魚、三文魚等三款魚生，面頭仲有吞拿魚蓉、蔥同芝麻，擺碟精美。芝心吉列免治雞 $88呢款吉列免治雞，炸到金黃香脆嘅炸皮，包住免治雞肉，中間仲有流心芝士，點埋個washabi蛋黃醬，勁邪惡。蜜桃乳酸梳打 $58叫多咗杯蜜桃乳酸梳打，桃味香甜，加上乳酸同有汽梳打，消暑解渴。。。令酒場 (中環)中環閣麟街46-48號Foco23樓。。
