平時中式打邊爐食得多，今日就黎咗食日式火鍋。呢間位於尖沙咀嘅令和，除咗主打嘅火鍋，都有刺身、爐端燒、丼飯等嘢食，選擇都好豐富。講返火鍋，湯底都有好多款選擇，而且款款都好有特色，好似係芫荽白雞湯、泡菜蜆肉湯、龍蝦湯等等。青森縣黑蒜醬油豚骨湯我哋揀咗呢款黑蒜豚骨湯，湯底用咗原粒黑蒜加埋醬油同香濃豚骨湯，濃郁芳香。火鍋本身跟一份肉類、新鮮蔬菜、日本豆腐同葛絲。A4日本和牛 200g $298肉類方面我哋就揀咗A4日本和牛，和牛大大片而且色澤鮮明，油脂分布平均，見到已經流哂口水。入口非常腍嫩，充滿牛香同油香，好食。日本黑豚肉 100g $78一份肉當然唔夠我呢個食肉獸，所以我哋另外仲追加咗份日本黑豚肉，肉質唔鞋都好腍，亦都冇豬羶味。 突刺月見大啡菇 $38除咗火鍋，我哋都叫咗件大啡菇，size都有拳頭咁大。大啡菇水嫩多汁，加埋香濃嘅蛋黃漿，帶出濃濃嘅菇菌鮮味。炙燒左口魚裙邊 $68另外亦都見點咗一客左口魚裙邊刺身。左口魚非常滑溜，入口即融，充滿魚鮨香。青檸燒酎梳打 $48 & 蜜桃乳酸梳打 $33飲品方面，燒酎梳打酒味唔算濃，比較香香檸味。而乳酸梳打就酸酸甜甜，非常開胃。。。令和鍋物酒場 (尖沙咀)尖沙咀厚福街9號豪華閣地下-1樓。。
