朋友相約出黎食吓嘢兼夾吹吓水，居酒屋就係最好選擇。呢間居酒屋有多款串燒、燒物，亦有其他佐酒小食可以選擇，邊飲、邊食、邊吹水就最岩。凍日本番茄配柚子汁 $48先叫咗個開胃前菜，酸味味嘅柚子汁做底，上面係原個鮮甜日本凍番茄，又fresh又醒胃。香蔥鵝肝多士 $88叫咗件邪惡鵝肝多士，厚身大件嘅鵝肝煎到好香，口感綿滑、充滿油香，夾埋脆多士食夠哂滿足。 馬刀貝 $98叫咗款當造時令燒海鮮-馬刀貝，size比平時打邊爐見到果d要大。口感爽脆，味道鮮甜。 油甘魚鮫 $108油甘魚鮫外皮燒到脆卜卜，入面嘅魚肉非常之嫩滑，充滿油香，食落啖啖肉。 至於主打嘅串燒我哋就叫咗12款，總括黎講整得唔錯，材料新鮮，火候控制得岩岩好。而且餐廳有提供鹽、柚子胡椒同檸檬汁去點串燒食，帶出食材嘅鮮味。-牛小排 $58: 肉質腍嫩，牛味香濃-雞腎 $38: 爽脆口感非常有咬口-活鰻 $78: 口感爽彈，亦都好鮮甜，美中不足係帶少少碎骨-厚牛舌 $52: 厚切得黎一d都唔韌-大蔥雞腿肉 $38: 雞肉嫩滑-雞皮 @$36: 油香十足夠哂邪惡-番薯 $38: 連皮都可以食埋，口感粉嫩，味道鮮甜，番薯控必食-豚肉秋葵卷 $38-豚肉露筍卷 $42-五花腩(梅醬) $38-雞翼 $34-粟米 $28悠久之梅雫 銀撰梅酒 $78朋友話黎得居酒屋當然要飲返杯，叫咗杯梅酒，用咗十年古酒去浸漬，入口濃厚甘醇，帶芳香嘅梅味同有類似黑糖嘅甜味。 靜岡蜜柑梳打汽水 $48我就叫咗平時少見嘅蜜柑梳打，清甜解渴。 。。橋本·串燒 (尖沙咀)尖沙咀棉登徑13-15號棉登大廈地下A號舖。。
