最近睇緊有咩好食又特別既brunch食，就見到原來尖沙咀既印度地中海餐廳 Carat 推出左印度及地中海風情週末及假日自助餐喎。咁岩七月去成人仲有優惠價$288 (原價$328)，即刻約埋朋友去啦。餐廳環境相當靚，staff都好nice。今次既印度菜式自助餐係由曾經任職孟買君悅酒店既印度大廚主理，可以見到各款食物用左多款香料，搭配印度既常用食材，有勁多款頭盤，小食，慢煮咖哩，仲有唔可以錯過既印度烤餅，燒肉同芝士等等。咖喱魚，免治羊肉串，辣炒大蝦同黑胡椒醬雞我地都好推介。唔食肉既朋友亦都有多款沙律同印度素菜例如秋葵洋蔥咖喱可以選擇。其中一款十分好味既千層麵Lasagne 就係用各款蔬菜製成，我同朋友都encore左幾次😂。紅黃綠色既咖喱都齊哂，怕辣既朋友可以逐少逐少拎返去試下味先。印度甜品好少地方食到，宜度都有d地道d既甜品例如摩洛哥果仁蛋糕，果仁蜜餅，同螺旋形既炸甜品Jalebi可以食到，味道又唔錯喎。餐廳仲有一個戶外花園，雖然最近天氣比較熱唔會坐出去，但環境優美，仲可以即場睇到廚師示範印度街頭小食例如pani puri既泡製流程，相當特別。飲品方便就梗係要飲mango lassi啦，面頭有餐廳精美既logo😂，飲落味道濃郁又勁香芒果味。。。CARAT Fine Indian and Mediterranean Cuisine (盈豐商業大廈)尖沙咀寶勒巷6-8A號盈豐商業大廈4樓。。
