返工咗辛苦，收工當然要約埋朋友黎咗呢間入面有好靚紫藤花海嘅餐廳食飯打卡。餐廳裝潢走田園風格，有綠油油嘅植物牆，天花排滿三色紫藤花，再加埋維港景緻，環境滿分。餐廳主打意大利菜，有各式海鮮、肉類、risotto、手工pizza、pasta等等，當然唔少得仲有佢哋出名嘅甜品。除咗a la crate，餐廳仲有提供ciao set menu，款式隔一排就會換。套餐有齊餐湯、主食、甜品同飲品，可以話非常抵食。我哋揀咗其中嘅seafood set再單點。 牛肝菌忌廉濃湯跟餐嘅牛肝菌湯，好香濃嘅菇菌味。蟹肉南瓜忌廉湯 $78單點嘅南瓜湯，口感非常幼滑creamy，帶南瓜清香。馬天尼酒香忌廉汁海鮮意大利飯 $268Seafood set嘅main course。意大利飯面頭鋪滿海鮮，有帶子、蠔、蝦、青口、蜆等等，意大利飯吸收哂個忌廉汁，口感煙靭，帶淡淡酒香。 開心果仁烤焗澳洲嫩羊鞍 $298羊鞍面頭鋪咗一層開心果碎一齊焗，好香果仁味，亦增加咗口感層次。羊叫咗7成熟，肉心帶粉紅色，肉質腍嫩，一d都唔羶。烤焗鱈魚柳伴地中海式燴番茄 $298另外仲叫咗份焗鱈魚柳。魚柳超厚身，食落鮮味嫩滑啖啖肉，魚皮帶焦香。個燴番茄醬汁，酸酸哋加埋滿滿嘅番茄肉，夠醒胃。 跟餐蛋糕可以喺cake list入面揀，款式種類非常多。因為心大心細關係最後另外再單點多咗一件。分別係酥脆嘅鮮果吉士千葉酥同香濃嘅意式薩赫蛋糕。除咗蛋糕，呢到仲有意大利雪糕食。我哋叫咗杯兩球gelato，開心果同Tiramisu味，雪糕奶滑濃郁，兩款味都好好食。。。Giovanni Pina Ristorante, Bar & Pasticceria (北角)北角北角邨里1號北角匯一期1樓111號舖。。
