成日見到宜間泰國菜餐廳勁多人等位，今次終於俾我地等到喇。菜式選擇都幾多，我地係店員介紹之下就食左宜幾款菜式： 招牌冬蔭功雞翼 72 5隻大大隻沾滿火辣辣冬蔭功味既醬汁既雞翼，肉質嫩滑又好入味。 泰式燒豬頸肉 98 食泰國菜必食燒豬頸肉，肉質彈牙爽口，配埋酸酸地既醬汁更開胃。 火山排骨（小）138 黎到梗係要食佢地既招牌菜 火山排骨 啦。我地2個人食叫左份細既，點知一上枱見到細既都好大份喎😂堆到成座小山咁好澎湃。 件件骨拎上手都好大件，餐廳好貼心咁準備左手套同濕紙巾。排骨肉炆得好香腍，好容易就撕到落黎食，啖啖充滿肉香。一路食仲可以點加左泰國香草同辣椒既秘製醬汁，味道酸酸辣辣得黎清爽又唔會油膩。 招牌蟹肉臘腸炒飯 138 個飯炒得好靚，飯粒係粒粒分明既，同d臘腸炒埋一齊味道好香，面頭有碎蟹肉，仲可以落埋魚露調味。 芒果糯米飯 個糯米飯成個波咁勁可愛，旁邊仲有個椰子味雪芭。糯米飲食落好煙韌，加埋酸甜嘅芒果肉同香甜椰漿，夠哂滿足。 沙冰 44 天氣咁熱就梗係要飲沙冰啦，我同朋友分別飲左椰林飄香同熱帶風情，即係椰子菠蘿同芒果菠蘿，好refreshing 呀。 。 。 Bamboo Thai (如心廣場) 荃灣楊屋道8號如心廣場一期1樓105-107號舖 。 。#UBlog #UBlog 請您試 #UBlog 博客 #UBlog 美食 #ULifestyle 應用程 式 #ULifestyleApp #社群 #ULOOP #CafeDecoGroup #BambooThai #新派泰菜 # 泰菜 #泰國餐廳 #泰國菜 #冬蔭公 #泰式燒豬頸肉 #Thaifood #泰國料理 #屯 門美食#旺角美食 #荃灣美食 #ULifestyle 社群密密試
