喺海港城shopping完當然要醫埋個肚，見好耐冇食星馬菜就揀咗呢間海南少爺。餐廳仲做緊主餐牌堂食及外賣85折優惠添。新加坡肉骨茶(白胡椒蒜頭) $168屬於潮州派嘅肉骨茶，胡椒味重，冇咁濃藥材味。用咗原個蒜頭同大量胡椒去煲，夠哂暖胃。一字排夠腍，另一個重點係蒜頭，入口即融。星洲醬油參巴炒蘿蔔糕 $106一口size嘅蘿蔔糕，入面有蝦米、臘味等配料。蘿蔔糕炒到好香口，香辣嘅參巴醬mix埋香甜黑醬油，非常惹味。 椰香海鮮喇沙 $128喇沙湯頭濃郁芳香，椰香味夠濃得黎帶辣勁。麵底係米線加米粉，雙重口感。配料方面有蝦、魚片頭、魷魚圈等，不得不提嘅仲有半隻香濃嘅流心鴨蛋。新加坡古法黑豉油雞飯 $128雞飯跟湯同3款醬料。雞皮上色均勻，雞肉十分嫩滑而且夠入味，雞味濃之餘又帶黑豉油獨特嘅鹹香。 。。海南少爺 (尖沙咀)尖沙咀廣東道3-27號海港城海運大廈地下G16號舖。。
