經過天后發現原來呢到開咗個佔地兩層嘅food court，2樓仲有間精品超市Feast Market，賣嘅品牌好多都係市面少見，亦都有唔少生酮食品。講返個food court，嘢食款式種類都唔少，今次就幫襯咗其中3間。車打芝士熱狗 $32 (阿里郎)脆炸嘅熱狗卷外層，面頭仲唧滿芥末醬同茄醬，入面包任腸仔同半熔車打芝士，一咬開香濃芝士味湧晒出嚟。雙重芝士煙肉牛肉漢堡 $40 (阿里郎)除咗熱狗棒，仲叫咗個漢堡，牛肉漢堡扒都幾juicy，加埋煙肉同芝士，味道口感豐富。烤牛肉包飯高級便當 $80 (ChumChummi)呢款高級便當非常豐富，除咗主食嘅烤牛肉，仲有埋前菜、泡菜、魚糕湯、煎蛋卷等等。烤牛肉腍嫩，醬汁都整得唔錯，送飯一流。蒜蓉調味炸雞(中) $90 (ChumChummi)食韓國嘢當然唔少得炸雞，揀咗呢款用蒜蓉調味，蒜味濃郁之外亦非常香辣，越食越過癮。沙嗲拼盤8枝(雞/豬/牛/羊各兩串) $68 (Satay Pop)沙嗲拼盤有齊四種肉類，可以一次過食江哂咁多款口味。串燒火候控制得岩岩好，肉唔會燒得太乾，沙嗲味香濃，點埋跟嘅花生醬就仲正。烏達香葉卷(2件) (Satay Pop)見呢款香葉卷幾得意，用香葉包住魚肉去燒製，食落係魚糕嘅質感，帶有淡淡嘅香料味。馬來西亞100 Plus & 馬來西亞椰子水 @$18 (Satay Pop)飲品就叫咗黎自馬來西亞嘅電解質飲品同椰青水，夏天飲夠哂解渴。。。阿里郎熱狗棒 (天后)G1號舖。ChumChummi (天后)G2號舖。Satay Pop(天后)G7號舖。天后電氣道54號亨環天后Food Loft地下。。
