今日約埋朋友黎咗呢間位於銅鑼灣好有氣氛嘅西班牙菜食嘢同打卡。嘢食高質，性價比唔錯。精選凍湯 $68店員介紹今日嘅精選凍湯係紅菜頭湯，聽落幾特別就叫咗。湯嘅質感厚身，味道酸酸甜甜，非常開胃。上面好似雪糕球既係甜甜地既cream 黎。黑毛豬火腿片、水牛芝士、羽衣甘藍沙律 $98食得健康嘅我哋叫咗沙律做前菜。沙律有鹹香嘅黑毛豬火腿同水牛芝士配搭清新嘅羽衣甘藍同其他配菜，非常豐富足料，清爽開胃。西班牙紅蝦海膽飯 $288黎得食西班牙菜當然要叫個西班牙海鮮飯。飯底似係海鮮湯同蕃茄煮成既。呢款西班牙飯除咗有常見嘅紅蝦，仲加入咗海膽一齊整！入口滿滿海鮮嘅鮮味同海膽香。 香煎西班牙走地黃油春雞 $168另一款主菜就揀咗原隻煎春雞。隻雞燒到好香身，皮脆肉嫩，油份適中，d肉唔會話太乾身。巴斯克焦香芝士蛋糕 $68甜品就叫咗個巴斯克芝士蛋糕。蛋糕外面焦香，入面軟熟，仲好香芝士味。我哋仲叫咗兩杯特飲Sangria ($98)同Lemonade ($68)。Sangria用新鮮水果mix葡萄酒同梳打水，酒香加埋果香，又易入口。至於lemonade，酸酸地，清新解膩。 。。SABROSA (銅鑼灣)銅鑼灣銅鑼灣怡和街22號3樓。。
