想食酸菜魚，今日我地就黎到主打川菜既麻辣風雲，佢地其中一樣招牌菜就係酸菜魚喇，有唔同辣度，酸度可以選擇。酸菜魚 268招牌既酸菜魚勁大碗，一上枱勁香，金黃色既湯入面見到大量既魚肉同香料。魚肉一睇就知道好嫩滑，又已經去左骨，食落香辣得黎又帶麻辣既勁度。仲有勁多配料例如芽菜，寛粉，萵筍，豆卜等等，個湯既酸度同辣度岩岩好。寬粉煙韌有咬口，配埋吸哂湯汁既配料愈食愈惹味。炸饅頭 58除左酸菜魚，仲有好多小食可以叫，我地叫左個炸饅頭，點知佢係用一隻好大隻勁木船模型上，仲有d仙氣飄出黎，梗係要即刻用手機打卡。炸饅頭係配經典既煉奶，炸到內軟外脆，好快就食哂。 糖醋排骨68細細地一碟不過都堆起左一座小山，煮得好入味，調味相當好。黑松露煙燻溏心蛋68除左糖醋排骨我地仲叫左另一個冷盤。溏心蛋連埋上面既黑松醬一齊放入口，黑松露既香味好濃郁。上湯浸娃娃菜88另外都食左碟清淡一d既娃娃菜。 。。麻辣風雲 (京都廣場)銅鑼灣駱克道491-499號京都廣場5樓。。
