喺旺角街頭見到呢間車仔麵店，非常有特式，除咗佢嘅和風裝潢同一般街邊車仔麵店地踎感覺好唔同之外，食嘅係港日式車仔麵，將港式車仔麵自選配搭餸菜嘅元素加入日本拉麵文化入面。我哋叫咗碗原件花膠拼日式叉燒拼秘製魷魚粗麵($68)，湯底就要咗豬骨湯。花膠好大件而且厚身，入口滿滿嘅膠質，口感岩岩好，唔會太硬或太腍身。叉燒面頭帶d焦香，肥瘦適中，拍得住日式拉麵店。魷魚爽口彈牙仲好入味。湯底用咗大量豚骨同豬皮以十小時以上熬製，味道純厚香濃，就好似食緊拉麵咁。 除咗車仔麵，餐廳仲有飯同定食。叫咗個9格定食($108)，有9款餸包括豬手、豬軟骨、醉雞、墨魚餅、蘿蔔、冬菇、秋葵、糖心蛋同花膠湯，可以一次過就品嚐哂咁多款餸菜，仲有白飯同稻庭烏冬各一碗。豬手同豬軟骨整得稔身，冬菇同蘿蔔夠入味。 。。祥利車仔麵 (西洋菜南街) (旺角)旺角西洋菜南街198號地舖。。
