辛苦咗成日收工當然要去食餐好西，黎咗呢間位於灣仔嘅1946 Bar & Restaurant食西餐。晚市呢到嘅嘢食選擇雖然唔算多，但款款都好似唔錯，最後我哋揀咗個焗蠔做頭盤同兩款主食share。每款主食都可以+$48跟埋餐湯、沙律同飲品，不過我哋驚太飽就冇叫到。參巴醬焗廣島蠔3隻 $92廣島蠔焗嘅時間岩岩好，蠔肉水潤嫩滑，入口鮮味juicy。個參巴醬非常惹味，同焗蠔意外地超夾。 虎蝦龍蝦汁意大利飯 $168虎蝦大大隻蝦肉爽口彈牙。個意大利飯吸收哂龍蝦汁嘅精華，啖啖都係香濃龍蝦鮮味。香煎紐西蘭羊架配露絲瑪莉汁 $188羊架跟薯菜要咗7成熟，我同朋友都覺得岩岩好，肉質腍嫩輕輕帶粉紅色，唔會生過頭出血水，又唔會太老，而且一d都唔羶。 。。1946 Bar & Restaurant (灣仔)灣仔軒尼詩道353號地下。。
