趁週末食好d，黎咗中環呢間Green Common Nexxus食佢哋個素食半自助brunch，豐富得黎又健康。原價$238/位，依家仲做緊第二位半價優惠，非常抵食。除哋呢個半自助brunch超級豐富，包咗是日素湯、是日沙律，同另外4款前菜，全部都可以encore。除此之外仲有1款自選主菜、2款自選甜品同飲品。前菜可以叫店員refill，而且上菜速度快。是日素湯係蘑菇湯，蘑菇味濃郁芳香。而是日沙律係無花果柚子沙律，面頭撒咗d神石榴粒同花生粒，口感豐富得黎又好清新。另外4款前菜分別有牛油果醬配迷你胡蘿蔔沙律、韓式椰菜花脆球、沙嗲雞肉串燒同印度蟹肉脆球。其中嘅炸椰菜花球做得幾出色，外皮酥脆椰菜花軟熟，配埋佢個秘製韓式泡菜蛋黃醬汁，酸辣惹味，非常開胃。蟹肉脆球都幾特別，炸到脆卜卜嘅生根入面放咗蟹肉，倒埋個醬汁入去一啖放入口，蟹肉嘅鮮味就喺口入面爆發出黎。 煙燻威靈頓 (+$48)必點嘅其一款主菜，單係上枱已經非常有心思，用玻璃罩蓋住威靈頓牛柳，一打開蓋煙燻嘅香氣就撲鼻而來。用咗蘋果木黎做煙燻所以香味非常清新。牛柳用咗OMNI新餐肉黎替代，雖然係植物肉，但口感味道非常近似，結合埋蘑菇蓉同黑松露醬，再用純素酥皮包裹住黎煙燻烤焗。金黃嘅賣相相當吸睛，食落外皮酥脆，夠哂滋味。吉列豬扒擔擔烏冬另一款主菜揀咗呢款用特選 OMNI 新豬肉及新肉絲製成嘅植物吉列豬扒擔擔烏冬。豬扒金黃香脆，口感比真豬扒更加彈牙。擔擔烏冬湯底用咗麵豉同腐竹，加埋以OMNI新豬肉煮成嘅香辣擔擔肉醬，都幾惹味。 甜品方面我哋兩個人於是揀咗4款唔同口味share。分別係Daiya芝士蛋糕、純素鮮果撻、純素雪麥糍同純素雪糕。至於飲品就揀咗凍泰式拉茶同熱抹茶latte。兩杯都茶香奶滑，係稍為甜咗少少。除此之外仲可以加$78/位，有埋無限暢飲2款純素氣泡酒同1款無酒精飲品。見幾抵，當然就order埋。其中一款氣泡酒係Dignitat Cava Organic Brut Sparkling，酒精濃度較高，帶淡淡花果香，相對會dry少少。佢係用精選嘅單一葡萄同傳統方法釀製而成，入口較有有層次。另一款係Sparkling Sweet Moscato “So Easy”，有香甜水果味同花香，所以非常容易入口，岩哂女士飲。至於NON1 Salted Raspberry & Chamomile就係冇酒精嘅，飲落就好似有氣紅莓汁咁。 。。Green Common (Restaurant) (盈置大廈) (中環)中環德輔道中77號盈置大廈1樓101號舖。。
