難得開放返晚市梗係要不停搵食。今日我地就黎到京都勝牛食好西。宜度專食各種吉列炸物，我同朋友一人食左一個套餐。套餐各有一碗麥飯，椰菜沙律，同味增湯，都係可以再添加既。店員都會好親切咁介紹各種食法同配搭。鹿兒島A4黑毛和牛西冷 438牛肉用高溫炸到最外層金黃酥脆，上枱既時候仲保持到3分熟，入面既肉係好靚既粉紅色。先試下原味，牛肉油花分布得好平均，咬落去充滿油香，肉質非常軟嫩。😍食完原味就梗係要食下其他調味料。宜度有成9款調味料可以用，跟牛肉套餐既有咖喱汁，和風汁，山椒鹽，同招牌牛排醬。我就最鐘意配山椒鹽，獨特微辣既風味可以更加帶出牛肉既鮮味。另外跟餐有一隻日式溫泉蛋，用濃湯調過味，質感潤口，用黎點牛肉同撈飯就岩哂。 特選海產套餐208有炸廣島蠔，大蝦，同鰻魚。廣島蠔勁大隻，咬落去熱辣辣爆哂汁勁juicy。大蝦都好大隻，肉質爽口彈牙。我同朋友最鐘意既就係吉列鰻魚，係香港好少食到，估唔到咁好食，即使炸過都保留到鰻魚既鮮味，鮮甜又無骨，咬落去啖啖肉。配宜個套餐既調味料有沙律醬，wasabi，柚子蘿蔔。宜度都有好多特色飲品，我同朋友就分別飲藍柑荔枝味有汽特飲（36）同白桃蒟蒻冰茶（32）。飲品既味道清甜清爽，岩哂食炸物既時候飲。 。。京都勝牛 (Tower 535)銅鑼灣謝斐道535號Tower 535地庫B01號舖。。
