位於佐敦既宜間木系西餐廳一向質素都幾好，難得最近開放返晚市，就約埋朋友黎見下面食個簡單既晚餐。set dinner 248牛油香煎帶子鮮蠔汁意大利飯晚市時間既套餐十分抵食，除左有個主菜，仲有雜菜湯，蒜蓉包，是日甜品，同飲品。個意大利飯煮得香噴噴。除左有3粒大大粒又鮮甜彈牙既帶子，個飯入面仲有好多隻蠔仔。連埋好creamy既意大利飯一齊食，充滿蠔汁既鮮味。連埋上面既乾辣椒絲一齊食會有微微既辣味。今日既甜品係抹茶芝士蛋糕，抹茶味香，芝士口感濃郁。飲品方面朋友就要左杯熱奶茶。芝士蟹肉焗大啡菇108大啡菇熱辣辣咁上枱，上面鋪滿燒溶既芝士，中間有鮮味既蟹肉，個菇又厚身，咬落去爆哂汁，好惹味。西班牙烤乳豬（1/4）238今日既主角就係佢喇，四分一隻既西班牙烤乳豬。2個人一人一件岩岩好。乳豬最出面果層皮烤到又薄又脆，裡面既肉質都算嫩滑，又充滿咸香。伴菜係薯條，沙律，橄欖，酸瓜同2款醬汁，成個菜都好有風味。 。。Potluck Eatery尖沙咀柯士甸道136-138號金門商業大廈地舖。。
