下午茶想食個靚All day breakfast，黎咗九龍城呢間The Yell-Owl，佢呢到特別在All day breakfast除咗有pre-set款式，亦都可以喺十幾款食材入面揀最少4款自由配搭心水All day breakfast，咁就可以食均哂想食嘅嘢。跟餐仲有一杯飲品。超級貓頭鷹全日餐(龍蝦半隻)($208)呢到嘅招牌All day breakfast，我哋叫咗半隻龍蝦，亦都可以揀全隻。除咗龍蝦，仲有蟹肉牛油果多士、班尼迪蛋、英式豬肉腸、大啡菇、蕃茄扒、煙肉、薯餅、沙律、焗茄汁豆同粟米呢d配料，非常豐富。龍蝦勁多膏，蝦肉實淨彈牙好鮮甜。蟹肉牛油果多士都唔錯，牛油果醬幼滑，蟹肉鮮味，多士香脆。溏心班尼迪蛋嘅蛋汁滲哂落下面嘅煙三文魚同麵包到，食落好香蛋味。 而朋友就選擇自選配搭全日早餐，揀咗紐西蘭肉眼(4oz)($78)、煙三文魚(兩件)($28)、香草雜菌($12)、蘆筍($20)同牛角包($10)。肉眼煎得岩岩好，肉嫩juicy，又香牛味。牛角包酥脆，夾埋煙三文魚同炒什菌一齊食唔錯。每個自選All day breakfast仲會跟沙律、焗茄汁豆同粟米。 。。The Yell-Owl Seafood and Grill (九龍城)九龍城福佬村道5-9號地下C號舖。。
