經過油麻地，本身只係諗住食d野，但發現呢間Urban Cafe，佢咗有嘢食之外，仲有好多貓貓陪食。唔似平時d動物cafe只係提供幾款簡單嘅嘢食，呢間Urban Cafe嘢食同嘢飲嘅選擇都幾豐富，又有套餐，價錢亦都非常合理。入餐廳要先消毒同埋帶鞋套，放眼望埋去都有十幾隻貓貓。不過當然係要醫飽個肚先。我哋叫咗個2人套餐($298)，包餐湯x2、沙律x2、意粉/飯、主食同飲品x2。意式青醬忌廉海蜆野菌扁意粉意粉揀咗呢款青醬海蜆扁意粉，海蜆鮮甜，意粉帶淡淡嘅香草香亦都好creamy。西班牙黑毛豬肋骨配薯菜豬肋骨份量都唔少，肉質都算嫩唔會好乾，用BBQ醬燒非常惹味。 朱古力冰沙&水蜜桃冰沙(+$20/杯)飲品方面我哋加錢轉咗做沙冰，朱古力味好香濃熟厚。至於水蜜桃味香甜得黎帶d乳酪味，非常fresh。雪山心太軟(抹茶)(+$25)食飽當然要食埋甜品，所以我哋仲加咗個心太軟。揀咗抹茶味，茶味都幾香濃，有抹茶醬流心，夾埋雪糕一齊食都唔錯。一路食d貓貓都會走過黎，大部分貓貓都唔怕人，仲會主動跳上枱面，不過要注意唔好俾嘢d貓貓食。 。。URBAN Cafe (彌敦道) (旺角)旺角彌敦道566-568A號僑建大廈2樓。。
