疫情又加劇，唔想日日食外賣間唔中想自己落廚但又嫌麻煩，上網見到呢間滿日食品有賣輕鬆料理包，有小菜又有粉麵，岩哂我呢d懶人。買夠$200仲免運費，街都唔洗出就煮到好餸。我買咗牛肉麵、三杯雞同雜錦餃子。睇佢包裝話係香港製造，用全天然食材，亦都冇加味精同防腐劑。鮮。茄牛濃湯麵($58)買嘅時候做緊特價，湯底用咗番茄牛肉熬製24個鐘，煲返熱已經聞到勁香甜。麵底淥一淥就食得，爽滑彈牙，紅燒牛𦟌膠質豐富，肉味香濃。三杯雞($65)雞用咗雞脾肉，啖啖肉嫩滑冇骨，撈埋個香濃惹味嘅三杯雞醬料，味道同喺街食冇咩分別，送飯一流。雜錦餃子($56/12隻)一盒有4款口味，除咗有大路嘅菜肉餃，仲有海皇豚肉餃、麻辣小鮮肉餃同翡翠素餃。款款都好有特色，皮薄餡靚。最鍾意海皇豚肉餃，入面有花膠瑤柱等海鮮仲用咗鮑魚汁調味，食落勁鮮味。 。。滿日食品@everydayfor.mehttps://everydayfor.me/。。
