抵價任食澳洲和牛燒肉放題呢幾日天氣勁凍係銅鑼灣行完街去咗呢間熊本食燒肉，120分鐘午市普通燒肉放題$298/位，價錢本身唔算特別平，但吸引我哋黎嘅原因係只要加$38/位就可以升級任食澳洲M5和牛、鹿兒島豚五花肉&西冷。燒肉放題嘅嘢食種類豐富，除咗有肉類亦都有海鮮同蔬菜可以揀。牛肉方面有好似牛肉眼、牛五花、牛三角肉、牛小排等等唔同款式，每款都牛味濃郁，肉質腍嫩。最正嘅當然係升級嘅澳洲M5和牛，牛味極之香濃，入口充滿油香。要讚一讚個爐夠熱，d肉燒一燒就熟。 除咗牛肉，豚肉同雞肉都有好多款式，啱晒食肉獸。升級嘅豚五花肉同西冷，油脂分布平均，一d都唔乾身。至於海鮮類，有大蝦、多春魚、魷魚等。蝦肉爽嫩鮮甜，多春魚甘香可口。食完肉覺得有d膩亦都可以燒d蔬菜好似菠蘿、雞髀菇、翠玉瓜咁。另外竟然仲俾我哋發現到有棉花糖串，平時要去BBQ先食到燒棉花糖，估唔到燒肉店都有，當然唔可以執輸。棉花糖燒到面頭金黃香脆，入面軟心，正！放題除咗有燒肉海鮮點，仲有刺身、和食、沙律等等可以叫。我哋點咗馬刀貝、帶子、真鯛等嘅刺身同清酒煮蜆，都幾鮮甜。飲品方面，除咗有任飲嘅罐裝飲品，亦都有餐廳自家製嘅洛神花茶、菠蘿特飲、茉莉花茶。食飽飽每位仲會包一杯Haagen dazs雪糕。另外就算唔升級任食澳洲和牛，惠顧120分鐘放題再分享專頁，都會送多國直送和牛拼盤。除咗燒肉放題，疫情下餐廳仲推出抗疫優惠午餐同晚市外賣燒肉套餐可以揀。 。。熊本燒肉 Yakiniku Kumamoto @yakiniku_kumamoto銅鑼灣謝斐道477-481號3樓。。#yakinikukumamoto #熊本燒肉 #hkig #hkfoodie #allyoucaneat #wagyu #燒肉 #日式燒肉 #日式燒烤 #牛肉控 #和牛 #任食和牛 #澳洲和牛 #日本和牛 #放題 #燒肉達人 #オーストラ
