好耐冇食酸菜魚，見海港城開咗呢間新嘅酸菜魚，當然要黎探店。餐廳用Tiffany Blue做主色調，打卡一流。打開menu，除咗酸菜魚都仲有好多其他嘢食，唔係獨孤一味。姚姚酸菜魚拼番茄魚($308)招牌嘅酸菜魚當然要點，另外加多少少錢就可以雙拼，又可以試多一款味。我哋揀咗拼番茄魚。酸菜魚係2人份量，所以建議同朋友一齊黎食，辣度麻度酸度都可以自己揀，仲有得少油少鹽，非常貼心。番茄魚本身有粉絲底，酸菜魚就冇，所以我哋另外加咗寬粉(+$38)。上枱嘅時候係用送餐機械人，而且有蠟燭熱住，唔怕食到凍哂。酸菜魚湯呈金色，麻辣兼備之餘冇蓋過哂酸菜嘅酸味。番茄魚清甜得黎好濃茄味，係唔食辣嘅朋友一個選擇。魚片嫩滑冇骨，入口即滑入喉嚨。 椒麻皮蛋($58)同平時食開嘅皮蛋唔同，呢度嘅皮蛋冇咁深色，重點係蛋黃仲係呈橙黃色嘅溏心蛋。蛋白晶盈剔透口感爽彈，夾埋漿住喉嚨嘅流心蛋黃同麻辣鹹香嘅椒麻醬汁，真係冇得頂。麻辣牛展($88)牛展稔嫩，除咗有切成一片片之外，亦都有d撕碎咗成肉絲，點d麻辣汁加埋喺底爽脆嘅青瓜一齊食，係清爽嘅配搭。彩虹烏龍冰粉($48)食飽當然仲要食甜品，叫咗碗冰粉，上枱發現都幾大碗幾抵食，仲可以解解辣。冰粉底係烏龍茶味，淡淡茶嘅幽香幾特別又可以解膩。面頭鋪咗提子乾、紅豆、丸子、花生碎、芝麻、酒糟，同落咗椰汁，七彩顏色勁靚。食落因爲有茶味嘅關係唔會話好甜，有品到味道同口感，唔錯。 。。姚姚酸菜魚 (尖沙咀)尖沙咀廣東道3-27號海港城港威商場二樓2307號舖。。
