香港burger店都唔少，但有質素嘅唔算好多。深水埗呢間新開嘅Power Burger就整得唔錯。我哋叫咗雙層芝士漢堡($128)同至尊焦脆漢堡($138)，另外加咗$38配埋小食同飲品。漢堡即叫即製，等嘅時候可以見到師傅即場搓製肉球同煎漢堡扒。至於夾喺漢堡入面嘅蔬菜係用本地嘅有機菜，所以keep到綠色而且口感鮮嫩爽脆。雙層芝士漢堡用咗兩層芝士同兩層有CAD認證嘅4oz安格斯漢堡扒，牛肉厚身、肉嫩juicy，一d都唔乾身，仲好香濃牛味。至尊焦脆漢堡用嘅係四層2oz安格斯漢堡扒再加三層芝士，芝味香濃，漢堡扒帶焦脆口感。漢堡份量十足，入口啖啖肉，非常滿足。 金黃炸魚條炸魚條炸到外脆內嫩，魚肉鮮嫩，口感偏爽彈，有d似魚蛋，非常特別。喪脆洋蔥圈 洋蔥圈好香口，炸到金黃色，入面嘅洋蔥都好香。 。。Power Burger (深水埗)深水埗黃竹街2K號地舖。。
