宜家晚市禁堂食，放假我地決定搵個放題食食佢😂就黎到宜間係兆萬中心既日韓放題。個價錢係十分之抵食，一人只需要229hkd（另加一），最長可以食6小時😂😂😂食物選擇好多，主要有壽司，卷物，燒物，炸物，一坐低店員話會上一個刺身拼盤先 有咩唔食可以同佢講。另外仲有一款鍋物可以選擇。鍋物我地就要左日式牛肉壽喜燒鍋，入面都好多片牛肉，蔬菜等等，宜個天氣就啱哂。刺身拼盤睇落好豐富，有鮑魚，八爪魚，螺肉，幾款唔同既生蝦，希靈魚，帶子等等。我地仲叫左好多款燒物，炸物既熱食，鹽燒海蝦串燒得爽口彈牙，燒牛舌好軟稔，燒菠蘿香甜多汁。幾款芝士焗廣島蠔，北海道帶子，同蝦同焗得好靚，芝味濃郁。炒蜆，清酒煮蜆，同麻辣帆立貝都煮得好入味香口。炸物方面呢，吉列廣島蠔又大隻，同蟹棒，多春魚天婦羅一樣炸到金黃香脆，熱辣辣好惹味。因為都叫左好多食物我地就只係叫左幾款壽司，不過我同朋友都覺得熱食比較出色。除左單上面既食物，飲品，雪糕同雪條都係任食既，整體黎講好抵食。 。。神戶屋日韓放題旺角西洋菜街1號兆萬中心8樓。。
