lifetastic既西瓜蛋糕可能好多人都食過，味道都唔錯，放假就約左朋友黎食下佢個下午茶。LIFETASTIC二人下午茶5883層架有4款鹹點同5款甜品。第一層就係佢地最出名既招牌草莓西瓜蛋糕，周圍仲加左好多花裝飾得好靚，味道同平時一樣咁好。不過既然個下午茶都唔平又係俾2人食既可唔可以俾多件呢🥲？。。。第2層有幾款甜品，分別3款layer cake，有芒果味，柚子味同earl grey，味道係唔錯既。另外仲有原味同提子scone配3款自家製既果醬同忌廉。仲有一款係蝶豆花藍莓芝士蛋糕。咸點就差dd，原本menu有既2款食物都寫住sold out，變左4款咸點分別係 青口藜麥椰菜花飯，魚子醬配南瓜蓉，煙三文魚橄欖捲，（好似係吞拿魚肉）炸球。幾款都唔係d精緻既食物，仲好似有d太簡單tim😂味道各自又都唔係好夾咁，魚子醬又冇咩味，總之就怪怪地。青口竟然咁細隻。飲品我地叫一杯雜莓smoothie 同一杯oreo 朱古力smoothie ，都幾好唔會好甜。下次黎既話都係剩食甜品穩陣d😂。 。。LIFETASTIC (希慎廣場)銅鑼灣軒尼詩道500號希慎廣場3樓326及330-331號舖。。
