經過旺角當然要搵d小食食吓,呢間阿里郎熱狗棒就吸引到我眼球。熱狗棒有好多款口味,想食多幾款就叫咗個四款熱狗組合,揀咗薯條鴛鴦芝腸、車打芝士、雙重芝士拉絲同鴛鴦芝腸。熱狗棒即叫即炸,外皮脆卜卜,麵包煙韌,入面包住芝士或腸仔等餡料,芝士流心拉絲做得出色。仲可以加茄汁、蜜糖芥末醬、芝士醬、辣醬等一齊食。推介薯條鴛鴦芝腸,有齊哂拉芝同腸仔,外面仲有脆薯條粒,口感豐富。 除咗熱狗棒,仲叫咗芝士球+炸薯條組合、阿里郎炒年糕同水蜜桃飲品。芝士球口感煙靭,芝味香濃。炒年糕熱辣辣,夠辣夠惹味。 。。阿里郎熱狗棒 (旺角)旺角奶路臣街12-26號啟賢大廈地下7B號舖。。