經過一風堂見到推出咗十週年期間限定拉麵,仲要係同安記聯乘嘅黑醬油。鮑魚拉麵,作為拉麵控當然要集郵打個卡。拉麵湯底用咗一風堂人氣嘅黑醬油湯底做基礎,鮮甜雞湯精華再加上鮮味黑醬油,湯底香濃,拉麵吸收晒d湯汁,滋味升級。配料方面除咗傳統嘅卷腩叉燒同半熟蛋之外,當然唔少得就係加入咗安記出品嘅原隻日式照燒鮑魚、金華火腿絲、元貝絲同雲耳片,令到拉麵嘅味道同口感層次進一步提昇。鮑魚口感爽彈,仲好入味。 另外仲叫咗份一風堂餃子,餃子煎得皮脆,點埋餃子汁再加埋大量蔥花同蒜蓉一齊食,夠晒香。 。。一風堂 (奧海城) (大角咀)大角咀海庭道18號奧海城二期1樓106號舖