收工想平平哋食個西餐又唔想太頹，見到呢間Project B有2人餐好似幾抵食，就決定入座。叫咗個精選2人餐($238)，可以自己揀一款肉類同一款飯/意粉，比起單點已經平咗一截，仲送兩個餐湯。是日餐湯係素翅忌廉湯，有素翅同蘿蔔絲等配料，不過不失。肉類我哋揀咗加拿大豬鞍配蜜糖芥末籽汁，豬鞍好大塊而且係厚切，性價比高。肉質唔會太乾，食落啖啖肉，點埋個蜜糖芥末汁甜甜哋帶d嗆辣，令到個豬冇咁膩。另外一款就揀咗炸軟殼蟹南瓜忌廉意粉，大大隻炸軟殼蟹炸到好脆身，而且入面有好多蟹肉同蟹膏。意粉稔咗少少但係南瓜味好香濃。 Project B 小食拼盤 ($88)有炒蛋多士、炸蝦、雞中翼同紐倫堡腸，非常豐富。迷你心太軟拼雪糕 ($58)心太軟係一口size，朱古力味好香濃，入面有朱古力軟心，夾埋雪糕一齊食都唔錯。 。。Project B深水埗長沙灣道22-24號恆成大廈地舖。。
