最近深水埗附近開左好多coffee shop 同cafe，近近地逐間去試下打下卡，每個星期post一間，留個紀錄😋 －XII泰北風味船麵 ($98)湯底用咗好多款唔同嘅泰式香料好似青檸、金不換等炮製，清得黎又好香，配料有肉片、豬肉丸等，連埋船麵食，好有泰式風味。香煎帶子蜆肉扁意粉 ($88)帶子煎得好靚，口感爽彈，加埋粒粒蜆肉，鮮味十足。扁意粉彈牙，乾炒非常惹味。 Caramel Pudding ($45)餐廳自家製布甸，面層係香甜嘅焦糖醬，口感細滑q彈。因為係用日本蛋整，蛋香味濃。Matcha Rare Cheesecake ($50)呢款抹茶生乳酪蛋糕，面頭果層抹茶味超香濃，中間果層就好香乳酪芝士味，加埋底層脆身嘅餅底，整得唔錯。黎得文青cafe當然要飲杯coffee，叫咗杯Dirty ($46)，咖啡味香濃之餘又有奶香，仲有得揀nutty或者fruity。朋友唔飲咖啡就叫咗Matcha Latte ($50)，抹茶甘香但唔會苦，仲有好靚嘅拉花。 。。不苦深水埗楓樹街5A號地下。。
