趁週日同屋企人去食一盅兩件，去咗呢間新開嘅走青，裝修都幾有特色，走懷舊風格，播嘅係80/90年代嘅廣東歌。餐廳除咗有點心，亦有粥品同粉麵食，仲有各款茶記飲品提供，將老香港特色共冶一爐。脆皮鮮蝦腸粉 ($68)幼滑嘅腸粉皮包住香脆嘅炸皮同爽口彈牙嘅鮮蝦，口感層次豐富。鴛鴦臘腸卷 ($58) 已經好少地方有得食嘅臘腸卷，麵包軟熟得嚟又帶啲煙韌，入面有齊潤腸同臘腸，肥瘦適中，入口甘香。 日本芝麻卷 ($48) 芝麻卷好香黑芝麻味，味道唔會死甜，質感細滑Q彈。牛筋撈麵 ($76) 撈麵口感爽滑，個腩汁做得唔錯牛味香濃，面頭鋪滿牛筋。牛筋煮得腍身唔黐牙，非常入味。蟹籽燒賣皇 ($58) 燒賣大大粒，肉質爽彈，有大大隻蝦，仲好鮮味。熱奶茶 ($28)屋企人叫咗杯奶茶，口感細滑，茶味香濃，味道拍得住有質素嘅茶餐廳。 。。走青太古康山道1號康怡廣場地下G9-G11號舖。。
