屋企人想食高質印度菜，搵咗呢間喺尖沙咀嘅Carat，除咗印度菜亦都有地中海菜式。另外亦都附設酒bar，岩哂鍾意飲酒嘅朋友。招牌天多里乳酪香料烤雞(半隻) ($128)烤雞好香好惹味，仲帶d乳酪味，可以點埋薄荷辣椒醬食，令到烤雞嘅味道非常有層次，雞肉亦都唔會話烤到好乾。摩洛哥烤紐西蘭羊架配石榴汁、薯蓉及彩虹甘筍 ($168)紐西蘭羊架煎得好香，一d都唔羶，肉質腍嫩，同creamy嘅薯蓉好夾。西印信德省慢煮羊肉咖哩 ($158)用咗藏茴香籽、小荳蔻、香葉等香料加埋羊肉慢煮而成，咖哩芳香濃郁得黎又唔會話好辣。 北印度番紅花雜菜香飯 ($118)用咗好多種香料同雜菜煮成，香料味好香，味道偏辣，岩哂鍾意食辣嘅朋友，仲可以撈埋清新嘅乳酪醬或者辣椒醬食。大廚秘製印度香料蕃茄燉黑扁豆 ($118)用黑扁豆、蕃茄同香料煮成嘅豆蓉湯，辣辣哋有d似咖哩，黑扁豆煮到非常軟腍。蒜香烤餅 ($38)烤餅外邊香脆，入面就好煙韌軟熟，蒜味好香，用黎點咖哩同黑扁豆食就最岩。叫咗杯Mango Lassi ($68)，芒果同乳酪味都好香濃，幾好飲。屋企人就叫咗杯Asahi ($80)。 。。CARAT Fine Indian and Mediterranean Cuisine尖沙咀寶勒巷6-8A號盈豐商業大廈4樓。。
