之前有幫襯過海港城同系餐廳，質素唔錯，經過太古見到竟然開咗新店，當然要黎捧場。海鮮茶壺湯 ($62)冬天天氣凍，叫咗個熱湯飲暖吓胃。個湯係用茶壺上，非常得意。入面有多款海鮮，好似有大蝦、魚塊、大蜆、雞等等，入口好清香鮮甜。 刺身拼盤 8款 ($328)叫咗呢個有8款刺身嘅拼盤，款款都好新鮮好好食，性價比高。※海膽魷魚卷：爽口魷魚卷住鮮甜入口即溶嘅海膽，一剛一柔嘅配搭，非常有層次。※厚切北海道帶子：勁大隻厚肉同鮮甜。※柚子白身魚：白身魚薄切，上面灑咗d柚子皮，有淡淡柚子嘅清香。※厚切燒銀鱈魚：表面火炙過，肉質爽彈。※厚切鯛魚：魚肉實淨而且非常鮮甜。※厚切三文魚腩※厚切油甘魚※牡丹蝦 辣吞拿魚腩卷 ($82)壽司飯包住滿滿嘅吞拿魚腩蓉，口感細滑。加埋炒香嘅芝麻同乾紅辣椒絲，少少辣味襯托出吞拿魚嘅油香。松葉蟹蓋海膽石鍋飯 ($198)熱辣辣嘅石鍋飯上面擺咗鋪滿海膽、松葉蟹肉蟹膏同蟹籽嘅蟹蓋，非常吸睛。鮮甜嘅海膽同蟹肉加埋甘香嘅蟹膏，撈埋紫菜同飯焦一齊食，大滿足。 。。穴 (康怡廣場)太古康山道1號康怡廣場地下G9-G11號舖。。
