黎咗呢間bacchus食fine dining，餐廳裝修好典雅，播住音樂，非常適合情侶拍拖。我同朋友叫咗個Christmas Special Set ($688)，另外加咗個pasta同兩杯drink share。前菜 Bacchus Mystery Abalone 揀咗呢款鮑魚做前菜，係用清酒煮嘅鮑魚冷盤，鮑魚好大隻，有少少酒香味道帶甜，重點係鮑魚好大隻😂。湯 Truffle Mushroom Soup蘑菇湯嘅蘑菇味香濃，帶少少松露香，而且都幾creamy，面頭加咗烘過嘅多士粒，增添咗香脆嘅口感。 主菜 Grilled Lamp ChopMain我哋揀咗澳洲羊架，一上枱好香炭燒味，羊肉面頭帶d焦香，鎖到肉汁喺入面，肉質稔嫩。 甜品 Christmas Surprise (+$78)呢款甜品係用浸咗一晚紅酒嘅梨配搭肉桂等香料煮成，再襯埋雲呢拿雪糕。梨肉嘅有爽脆亦有軟腍嘅雙重口感，香酒味得黎又唔會有好醉嘅感覺。 Beef Ragout Fettuccine ($238)呢個燴牛肉闊條麵做得唔錯，闊條麵用咗蛋麵，夠彈牙，同香濃嘅蕃茄牛肉醬好夾。Burning Passion ($78)放喺面頭嘅焦糖燒熱情果非常吸睛，用咗熱情果汁、橙汁同梳打mix埋，酸酸甜甜好開胃。The White Garden ($68)呢杯用咗接骨木花汁、ginger ale同梳打，接骨木花好清香。 。。Bacchus銅鑼灣耀華街3號百樂中心9樓。。
