心血來潮想食海鮮大餐，於是搵咗呢間船渦食蒸氣鍋，勝在可以一人一鍋。佢有唔同價位嘅套餐選擇，我就揀咗八府巡按($388)，有齊各式海鮮、肉類同蔬菜拼盤，非常豐富。先黎嘅有三點刺身同炸物，刺身有北寄貝、甘蝦同帆立貝，都算新鮮。另外仲有芝麻雞翼同雞軟骨餃子做小食。 重頭戲嘅海鮮，用冰托住保持新鮮。海鮮種類眾多，好似有鮑魚、元貝、白蜆、蝦、鮮魚片等，重點當然係龍蝦同蟹各半隻。海鮮全部都好新鮮，貝殼類鮮甜冇砂抵讚。龍蝦爽口彈牙，雪白鮮味嘅龍蝦肉加埋金黃甘香嘅龍蠔膏，大滿足。至於蟹都係膏肉兼備，好鮮甜好好食。 肉類方面三選二，我揀咗安格斯牛肉同豚肉片，另外仲有三寶丸(牛骨濃汁牛丸、薑汁皮蛋貢丸、招牌墨魚丸)。食到最尾當然唔少得個粥底，一打開見到金黃色已經勁吸睛。粥本身已經夠哂綿滑，加上吸收哂所有海鮮嘅精華同南瓜嘅甜味，色香味俱全。 。。船渦銅鑼灣謝斐道500號維安商業大廈3樓。。
