呢間位於佐敦嘅Potluck Eatery，之前經過見門面充滿歐式風格好靚，今日終於有機會幫襯。晚餐時段有set dinner供應。我哋叫咗個set再加其他單點開心share。鵝肝牛肝菌扁意大利粉 (Set $238)鵝肝超大件，入口即溶，油香四溢。 扁意粉彈牙，加埋creamy嘅牛肝菌忌廉汁，係唔錯嘅選擇。除左主菜，set dinner 仲包咗湯、麵包、甜品同餐飲。南瓜湯配多士。熱洋甘菊茶。藍莓芝士蛋糕 藍芝士汁燒烤醬雞翼 (4 pc $69)雞翼皮脆肉嫩，重點嘅藍芝士醬，芝味濃郁芳香，芝士控一定唔可以錯過。白酒忌廉汁大蜆 ($128)白酒忌廉汁細滑香濃，有淡淡酒香。蜆肉大隻鮮甜，美中不足係有一兩隻有砂。菠菜煙三文魚Pizza ($198)呢到嘅pizza做得出色，薄脆pizza面頭鋪咗滿滿嘅煙三文魚、芝士同菠菜，煙三文魚同芝士嘅鹹香配搭清甜嘅菠菜，一啖咬落去好有滿足感。 。。Potluck Eatery尖沙咀柯士甸道136-138號金門商業大廈地舖。。
