朋友想食正宗法式crepe，就即刻諗起呢間位於灣仔嘅La Creperie。我哋叫咗個小食、兩款鹹嘅galette同兩款甜嘅crepe。Octopus Carpaccio ($128)八爪魚薄切好有咬口，口感有d似食緊火腿，點埋橄欖油一齊食，味道鹹香好特別。 La Marin ($162)有煎帶子、炒香嘅煙肉同菇菌等，用可麗餅夾住一齊食，味道香濃。帶子煎得岩岩好，肉嫩彈牙。 Les Pierres Noires ($142)可麗餅上面鋪咗煙燻火腿、金文畢芝士、蕃茄同太陽蛋，口感層次豐富，點埋蛋汁食更有風味。 La Jamaicaine ($118)店員會係放咗香蕉同雲呢拿雪糕嘅crepe上面淋上橙酒之後點火，火焰隨即覆蓋整個crepe，打卡一流。La Plougastel ($82)酸酸甜甜嘅紅桑子雪芭配搭士多啤梨嘅crepe，味道清新好refreshing。 Apple Cider ($185 per bottle) 餐廳職員介紹crepes配apple cider係法國最傳統嘅食法。酒精濃度4.5%，芳香嘅蘋果味，酸酸甜甜滲出淡淡酒香，果然同crepes好夾。 。。La Crêperie (鉅芝樓)灣仔皇后大道東100-102號鉅芝樓1樓。。
