今日黎咗呢間位於尖東嘅Gusto食飯，餐廳非常方便，一出地鐵站口就係。我哋叫咗pizza、羊架同煎三文魚開心share。餐前麵包烤得脆身嘅麵包，帶點香草味，點埋意大利黑醋同橄欖油一齊食唔錯。Butter Beer ($88)朋友叫咗杯Butter beer，係冇酒精嘅mocktail黎，由expresso、奶、肉桂、拖肥加忌廉調配而成，不過由於咁岩冇哂忌廉，餐廳就改咗用朱古力雪糕。Butter beer嘅咖啡味好香濃，當中又帶甜甜嘅拖肥味，加埋朱古力雪糕簡直係神來之筆，prefect match。 Prosciutto Pizza ($218)Pizza有Parma ham、蕃茄乾、巴馬臣芝士等配料。餅底薄脆，芝士同Parma ham嘅咸香，加埋微酸嘅蕃茄醬非常夾。Australian Lamb Rack ($258)羊架叫咗5成熟，感覺岩岩好。外邊燒得焦脆，肉質腍嫩，中間仲帶點粉紅色，重點係一d都唔羶，連平時唔好羊嘅朋友都話好食。個薄荷醬做得出色，清新refreshing之餘又唔會太濃味蓋過羊肉嘅香。 Pan-fried Norwegian Salmon ($238)三文魚煎得皮脆，鎖住咗肉汁，調味得宜帶出魚嘅鮮味。美中不足嘅係肉質煎得過火咗少少，唔夠嫩滑。三文魚配嘅係creamy嘅忌廉汁，幼滑細膩。Cannoli ($88)食飽飽當然要食甜品，叫咗份Cannoli。Cannoli係一款意大利非常地道嘅甜點，香脆嘅外層入面卷住幼滑香濃嘅奶油忌廉，加埋d果仁碎，口感層次豐富。 。。Gusto - Taste Italian尖沙咀麼地道61號冠華中心地下3A, 5及6號舖。。
