焗威靈頓牛柳就食過喇，最近先知原來有焗威靈頓三文魚喎🤔今日就黎到荃灣宜間西餐廳食晚餐，餐廳環境優雅，有d座位仲係鳥籠黎，好靚呀。晚市menu 好多選擇，我地就專程黎食焗威靈頓三文魚既，叫左個套餐，另外再叫左個意粉。套餐有餐湯，今日係忌廉湯，有個前菜，我地選擇左黑松露意大利雲吞，皮滑又充滿松露香。主角出場喇，焗威靈頓三文魚成件焗到金黃色又勁香😍外層既酥皮又鬆化又酥脆，切開見到層層juicy 既三文魚扒，魚肉嫩滑細緻，充滿油脂香，連埋酥皮食真係惹味又特別，件三文魚仲有跟d蔬菜同紫薯蓉。 香濃芝士煙肉煙斗粉。煙斗粉又係比較少食到，形狀似大粒既硬身d既通心粉。有滿滿既芝士醬同煙肉，好creamy不過食落唔“漏”，煙斗粉質感煙韌有咬口。飲品方面我地叫左2杯特飲，分別係 玫瑰白桃梳打 同 荔枝菠蘿藍蝶花梳打。2杯飲品都好靚，梗係要影返張相。 。。Deer Kitchen (荃新天地)荃灣楊屋道1號荃新天地一期地下G06A,G06B&G07號。。
