之前食過馬祖台灣養生湯麵館，原來佢地最近係旺角開左間任食台式火鍋！餐廳位置好方便，好大間，整潔又企理，QR code手機落單。提供4個套餐，有唔同既肉可以選擇，最犀利係湯底竟然有成19款選擇🙈選擇困難既我地最後決定食鴛鴦鍋湯底，要左 麻辣蕃茄牛肉涮涮鍋 同 藥膳花膠雞涮涮鍋。2個湯底都勁足料，有大量牛腩同雞件同配菜，仲有大大件既花膠😍麻辣湯底可以選擇辣度，牛肉很軟熟，藥膳湯有當歸，桂圓，黨蔘等等藥材，雞件很滑。 輪到最重要既肉方面，我地個套餐包括宜幾款肉：極上prime grade 霜降牛小排極級SRF極黑和牛肩脊肉極級prime grade 安格斯牛頸脊西班牙伊比利亞黑毛豬prime grade 美國安格斯牛肉西班牙無激素豬肉片剩係睇花紋都知d牛肉幾靚啦😍油脂分佈得好平均，鮮紅色既牛肉肉質好新鮮，涮一涮就食得，牛味香濃，質感嫩滑。豬肉都好好味，涮耐d但一d都唔會“鞋”或者“韌”。 可以點既食物實在太多選擇，有各種海鮮，餃同丸類，蔬菜，炸物等等，細細碟上就可以試多幾款。掛住食肉但係我地都叫左d火鍋配料，例如菜，任食蟲草花，魚皮，響鈴，是日海鮮係 蜆同蟶子。三星蔥熔岩醬貢丸同金沙魚蛋都好有驚喜，一咬落去入面既醬汁爆出黎勁惹味。 甜品方面係一人一杯雪糕或者雪條，有movenpick呀🥰飲品係雪櫃自取任飲既，餐廳有自家製既茶，特別推薦 愛文芒果茉莉花茶 同 黑糖冬瓜檸檬茶，味道清甜解渴。餐廳另外仲有款小食 黃金地瓜條，有個袋跟埋幾款唔同味既shake shake粉可以shake埋食。 。。馬祖無限時台灣養生涮涮鍋旺角彌敦道628號瓊華中心11樓。。
