之前聽朋友講將軍澳有間幾好食既主打手打牛肉既漢堡包店，原來最近係旺角moko既大食代入面開左分店，即刻沖去食下先。有好多款漢堡選擇，有牛肉，豬肉，素菜，雞肉同魚漢堡，加錢可以加薯條，薯格或者飲品。我地就叫左2個漢堡同加左薯條同薯格。鵝肝安格斯漢堡賣相相當吸引，鵝肝都唔細件喎，燒到脆身，入面充滿油脂香。鵝肝下面係熱熔左既芝士同安格斯漢堡肉，咬落好嫩又juicy。個漢堡包既上下兩塊麵包都烤過，好脆身，入面又好軟熟，仲加左少少黑醋汁中和腻感。漁夫之堡入面有炸魚柳，芝士，洋蔥，菜同蕃茄。新鮮炸起既魚柳好厚身，咬落十分脆口又熱辣辣，配埋個沙律醬食真係冇得頂。 薯條係調過味既幼身薯條，我同朋友就覺得薯格好食d，脆身又唔油。值得一讚係餐廳會準備埋膠手套，唔使驚食到成手都係😂 。。Burger's Friend Forever旺角太子道西193號MOKO新世紀廣場食代館3樓S15號舖。。
