黎開油麻地就係想黎宜間最近新開既小店買外賣，佢2地主打薄餅同炸雞，有唔同既口味同唔同份量既套餐，價錢好親民，岩哂買返去同朋友或者屋企人開心share。今次我地就食左個3人餐，有一個十二吋大薄餅，一款小食，一個意粉或者飯，3件脆雞，同3個飲品。pizza我地選擇左肉食主義者薄餅茄醬底，有火腿，豬肉香腸，意大利辣肉腸同莫薩里拉芝士。厚批更滋味😋果然好大個，餅邊好脆身。店員仲有推介辣肉腸薄餅同芝士控薄餅。 脆雞有3件，有好多種唔同既味道，我地今次就叫左款蒜味既。雞炸到金黃香脆，雖然蒜味唔算好濃，但係裡面雞肉依然嫩滑多汁。肉醬意粉都好有份量，有大量粒粒肉醬，意粉煮得岩岩好，食完好滿足。小食係雞塊，有d似X樂雞，雖然叫小食但係都有十幾粒。飲品可以選擇紙包或者罐裝汽水。整體黎講價錢相當抵，質素又幾好。 。。薄餅型油麻地新填地街141號恆運樓地下E號舖。。
