有一段時間冇黎過葵芳新都會廣場，原來最近6樓開左一鍋堂既13,000 呎葵芳旗艦店，一於約埋朋友去食。餐廳相當大，裝修好靚又有空間感，寬敞闊落又舒適。晚市可以任食120分鐘，性價比極高😍手機電子落單。有3款套餐可以選擇，我地今次就食B餐。湯底有十幾款，我地選擇左養生藥膳湯，有益氣補血，健脾暖胃既功能。 難得任食我地梗係要叫d肉先啦😋封門柳，牛小排，牛板腱梗係唔少得，牛肉質素相當靚，肥瘦適中。 除左牛肉，西班牙粟飼豬同紐瓦克羊卷肉，手串生猛海蝦，白膳片，各種貝類同帶子都好新鮮。 其他火鍋配料都好多選擇，各種丸，蔬菜，冷盆，粉麵，至到飲品既選擇都非常多，仲有餐廳既自家製茶。 最後食個自助雪糕做甜品，結束滿足既一餐。 。。一鍋堂 (新都會廣場)葵芳興芳路223號新都會廣場6樓601-610號舖。。
