疫情下想同班fd打邊爐,最岩就喺一人一鍋。今次去咗位於天后新開嘅靖·火鍋。餐廳喺23樓望到中環會展尖東一帶維港海景,景觀唔錯,如果日落時間黎就會仲靚。 先講湯底,呢到嘅招牌係牛油麻辣湯,牛油香加埋麻辣香,唔錯。雖然係一人鍋,但都可以轉鴛鴦鍋,試多款湯底,抵讚。 叫咗兩款小食趁火鍋料未熟嘅時候食,有紅柳枝羊肉串同坊間少見嘅烏雞鳳爪。羊肉串燒到好香,加埋面頭嘅孜然粉,非常惹味。鳳爪爽脆冇骨,加埋麻香辣油,岩哂鍾意食辣嘅朋友。 嘢食方面都算多選擇亦夠新鮮,我哋叫咗手切肥牛、醉雞件、牛蛙、牛丸、花枝丸、蝦滑、墨魚滑、菌菇拼盤、蔬菜籃、三色蔬菜麵同烏冬。 牛肉稔身肥瘦適中牛味濃,醉雞酒香四溢,牛蛙鮮甜嫩滑,丸滑類爽口彈牙。值得一提嘅係手打三色蔬菜麵,有紫薯、菠菜、南瓜3款口味,色彩鮮艷,麵身彈牙唔笠身。 。。靖·火鍋天后電氣道68號金輪天地23樓。。